حكايات من المعرض..الشاب علي زيدان …..و المعروف ب (علي مهندس الفريسكا) من احلي حكايات معارض باب رزق سواء ١ أو ٢ .علي نموذج لشاب مصرى مجتهد حدد لنفسه هدف وبيسعي اليه بعزيمة وطموح كبير …🔻علي حاصل علي بكالوريوس الهندسة الزراعية ..وبعد ما خلص دراسته الجامعية وانهي فترة التجنيد …لقي فرصة الحصول علي الوظيفة صعبة…..وقتها قال لنفسه (ممكن أبدأ مشروع صغير لحد ما الاقي الوظيفة اللي تناسب دراستي).المهندس علي عمل عربية صغيرة لبيع الفريسكا …عمل من الفريسكا اشكال جميلة واضاف ليها نكهات لذيذة…لما تاكل من ايده مش حتقدر تنسي طعمها، ولازم ترجع له تاني.ولما أعلنا عن معرض باب رزق 1 علي شاطئ السرايا كان علي من المشاركين وهناك عرفنا حكايته واد ايه هو بيكافح وقال لنا إن انتظاره للوظيفة ماعطلوش عن إثبات ذاته وتحسين وضعه. لما تتكلم مع (علي) حتكتشف بسرعة أد ايه هو شاب مهذب جدا ومتواضع وبيتكلم بالعلم والمنطق .ومع افتتاح معرض باب رزق 2 علي شاطئ المندرة فوجئنا بالمهندس علي بيتواصل معانا ويطلب الحضور عشان يفرح الأولاد ذوى الهمم ويعمل لهم فريسكا مجانا. اللي عمله المهندس علي امبارح ف المعرض ساعد بشكل كبير فى إدخال الفرحة علي قلوب الاطفال واهاليهم . احنا متأكدين أن المهندس علي بطموحه الكبير وإرادته القوية وأخلاقه العالية حيقدر يحقق احلامه ويبقي عنده مشروعه الكبير والخاص به 💪💪💪احنا بنفتخر إن عندنا نماذج مشرفة زي علي ..نزلت سوق العمل بالمتاح عندها ، واستخدمت اللى اتعلمته ونفذت مشروعها الخاص بيها ونجحت .كل الدعم والشكر للمهندس علي لمساهمته فى إدخال الفرحة علي قلوب اولادنا من ذوى الهمم 💖💖💖
Hits: 1