صباحكم بحر وهواء نقي من شواطئ إسكندرية!
الصيف هنا مش بس جو حلو وموج وصور حلوة… ده كمان أمان وسلامة لكل أسرة بتقرر تقضي يومها على البحر .
📌 وبنفكركم ان هيئة الأرصاد الجوية أعلنت النهاردة ايضا عن نشاط في الرياح وارتفاع في الأمواج،
👈وده معناه إن البحر ممكن يكون مش مستقر ، وبالتالي مهم جدًا إننا نكون كلنا واعيين ومتابعين تعليمات السلامة.
📍 كل شاطئ في إسكندرية مجهّز بـ:
✅ برج مراقبة واضح .
✅ عليه منقذين مدرّبين موجودين طول اليوم .
✅ وفوق البرج دايمًا فيه راية ملوّنة بتقولك حالة البحر دلوقتي
خد بالك :
🔴 الراية الحمراء:
🚫 يعنى البحر خطر جدًا… ممنوع النزول تمامًا
🟡 الراية الصفراء:
⚠️ يعنى البحر فيه حركة أمواج – النزول مسموح لكن بحذر شديد
🟢 الراية الخضراء:
✅ يعنى البحر آمن – استمتع .
👈وبالنسبة لحالة البحر النهارده : ▪️شواطئ القطاع الشرقى حالة البحر بها بين امواج هادئة ومتوسطة يعنى الرايات خضراء أو صفراء .
▪️وشواطئ القطاع الغربى حالة البحر مرتفعة يعنى الراية حمراء وممنوع السباحة 🚫 .
🛟 المنقذ مش بس واقف في برج… هو موجود علشان يحميك ويحمي أولادك.
✅ لو قالك متدخلش البحر… اسمعه
✅ لو نادى عليك علشان تطلع… استجيب فورًا
✅ راقب أطفالك باستمرار… حتى لو بيعرفوا يعوموا
💬 إحنا بنشتغل كل يوم علشان نخلي شواطئنا أنضف، أجمل، وأكتر أمان…
لكن دورك مهم كمان:
🎯 اتبع التعليمات
🎯 بص على الراية
🎯 اسأل المنقذ
🎯 حافظ على نفسك وعلى اللي معاك
في إسكندرية… دايمًا بنرحّب بيكم، بس كمان بنهتم بسلامتكم ♥️
Hits: 233