📝 نشرتنا الصباحية النهاردة ملهاش غير عنوان واحد..
اهرب م الحر 🥵 وانزل البحر حالا..
🌡️ درجة الحرارة ٣٤ مئوية يعني المكان المناسب عشان تتخلص من الحر ده انك تكون جوه المايه 🌊 وحالة البحر كمان هتساعدك جدا لأنها هادية ومستقرة .
شواطئنا في القطاع الشرقي نسب الإشغال 🔢 لسه ٣٠٪ يعني هتلحق مكان لو نزلت دلوقتي وشواطئ العجمى في القطاع الغربي نسب الإشغال 🔢 تقريبا ٢٠٪ وحالة البحر مستقر الي متوسط وعشان تاخد بالك رافعين الراية الصفراء 🟡 في بعض الشواطئ..انزل المايه وخليك متابع تعليمات فرق الإنقاذ وصفارتهم.
🤔 مفيش مجال للتفكير وقت الحر وانت في اسكندرية مفيش مكان غير البحر ⛱️ تكون فيه .
نتمنالك يوم جميل على شواطئ الماريا🌊
⭕ بنفكركم:
❌ شط النخيل مازال مغلق فبلاش ننزله عشان سلامتنا
❌ماتسمحوش لحد يفرض عليكم تدفعوا اكرامية ..وكلمونا فورا لو حصل.
❌متسمحوش للعامل يحط شمسية ادامكم ويعكر عليكم فرصة الاستمتاع باليوم وكلمونا فورا لو حصل
❌مترموش اكياس الشيبسي والعصير واي مخلفات فى البحر وعلي رملة الشاطئ
🩱🩳متطلعوش بره الشاطئ بملابس البحر .
دورات المياه ووحدات تغير الملابس مجانا 🚽🚿
ولو قابلتكم اى مشكلة كلمونا فورا مفتشينا حواليكم وقريبين منكم📞📞
أرقامنا:-
لشكاوى شواطئ القطاع الشرقى:-
٠١٢٨٩٢٥٢٦٦٨ – ٠١٢٧٠٧٤٦٤٩٠
٠١٥٠١٢٩٧٨٨٨ – ٠١١١٩٥٥٥٩٤٦
لشكاوى شواطئ القطاع الغربي
٠١٢٢٥٢٦٧٢٧٦ – ٠١٢٢٠٠٣٠١٠٣
٠١٢٠٣٩٨٦٣٢٤ – ٠١٢٢٢٢٦٥٠٣٤
Hits: 3