🌊 الجمعة التالتة من يوليو..يعنى ذروة الصيف على شواطئ الإسكندرية..
⛱️☀️ من أول ضوء للفجر.. اقبال غير عادى على الشواطئ ..
الناس بدأت تنزل على البحر ..تحجز مكانها ..لتعيش اليوم على الشط بكل تفاصيله.. الفرحة و السعادة مرسومة على وجوه الكبار قبل الصغار 🤗
ووصلت نسب إشغال الشواطئ بالقطاع الشرقي ما بين ٥٠ % – ٧٠ % اما نسب اشغال شواطئ القطاع الغربى فقد وصلت الى ١٠ % بينما شاطى سيدى كرير الغربى بلغت نسبة اشغاله ٧٠%
⛱️ حالة البحر ؟⁉️
فيه استقرار نسبي على أغلب الشواطئ..
🟩 الرايات الخضراء مرفوعة في شواطئ القطاع الشرقي .
🟨 والرايات الصفراء مرفوعة على معظم شواطئ القطاع الغربي والعجمي .. بسبب نشاط بسيط في الرياح.
🔹ديه تعليمات بسيطة بتخلي اليوم أحلى وأمان أكتر ليك ..لو ناوى تنزل :
▪️ انزل بدري :
الجو أهدى.. والشمس أحن.. والبحر في أحلى حالاته.. وكمان هتلحق تختار مكانك قبل الزحمة .
▪️ نضف مكانك :
خلي المكان زي ما حبيت تلاقيه👌
“الشاطئ مش سلة مهملات.. ساعدنا نحافظ على جماله”
▪️ ممنوع دفع أي إكرامية لأي حد:
الأسعار الرسمية مكتوبة على بوابة كل شاطئ ..ولو حد طلب زيادة.. بلغ فورًا مفتشي الإدارة.
▪️ الحمامات ودورات المياه مجانية:
استخدامها حقك كمصطاف.. ومتسمحش لحد يستغلك
▪️ المايوه مكانه جوه الشط بس:
خارج الشاطئ بنلتزم بالمظهر اللائق للذوق العام علشان نحافظ على الصورة الحضارية لإسكندرية .
▪️ اتبع تعليمات المنقذين :
سلامتك عندنا أهم من أي حاجة..
ومواعيد النزول معلنة ومحددة ..وممنوع البحر بعد الغروب نهائيًا.
💬 شواطئ إسكندرية بتقولك:
“تعالى انبسط.. بس خليك مسؤول .. وخلي البحر مكان نظيف وآمن لينا كلنا ..علشان يفضل مصدر سعادة لينا واللي بعدنا كمان ”
👈تابعنا على صفحة الإدارة لمعرفة نسب الاشغال أول بأول أو من خلال موقع الإدارة الرسمي
علشان تبعد عن الزحمة و تختار الشاطئ المناسب لك .
صباحكم رااايق بروقان صوت البحر و نسماته 🩵
Hits: 200