وعشان دايما شايفين إن إسكندرية تستحق الافضل وعاوزين شواطئنا تظهر بمظهر متحضر.. هنبدأ من النهاردة ننشر نشرات توعوية خاصة بالشواطئ.
▪️نشرة توعية رقم ( ١ )
حفاظا علي نظافة الشاطئ ورفقا بعمال النظافة ..إجمع مخلفاتك فى كيس بلاستيك وسيبه تحت الشمسية وإحنا هنعدى ونلمه.
ولما ولادك ياكلوا شيبسى ويشربوا عصير بالف هنا علمهم ميرموش الفارغ فى مياه البحر لازم يرموه فى الاماكن المخصصة لتجميع المخلفات أو يحطوه فى الكيس إللي اتكلمنا عليه فوق👆👆👆
نظافة الشواطئ و مظهرها مسئوليتنا كلنا لازم نتعاون مع بعض .
▪️نشرة توعية رقم ( ٢ )
كتير وصلتنا رسايل من اصدقائنا بيطالبونا بمنع خروج المصطافين من بوابات الشواطئ بلباس البحر
والحقيقة إحنا كمان بنقول معاكم حفاظا علي الذوق والآداب العامة ونظرا لما يتسبب ذلك من ازعاج للكثير رجاء نزول البحر بالملابس المخصصة للبحر وعدم الخروج بها من بوابات الشواطئ
نرحب بكل المشاركات من الأصدقاء
دمتم بخير اصدقائنا الأعزاء.
Hits: 29