صباح الخير على كل متابعينا 🙋🏻♂️
🌄النهاردة صباحنا مختلف هناخدكم لميدان من أجمل ميادين اسكندرية 🦌 ميدان الغزالتين 🦌
🔹سنة ١٩٦١ الفنان التشكيلي فتحي محمود اهدي التمثال لمحافظة إسكندرية 🌊
وهنا السؤال مين هو الفنان فتحي محمود ⁉️
🔸هو فنان تشكيلي ونحات وتلميذ الفنان محمود مختار وعنده اعمال فنية مهمة زي تمثال طلعت حرب في القاهرة وتمثال الأشرعة اللي قصاد مكتبة الإسكندرية وتقدروا تعرفوا اكتر عنه من خلال البوست https://www.facebook.com/share/p/17CewpLmwH/
وطبعا التمثال اللي بنتكلم عنه النهاردة تمثال الغزالتين 🦌 اللي في باب شرقي قصاد كلية الهندسة.
🦌 تمثال الغزالتين واحد من الأعمال المميزة اللي عملها الفنان فتحي محمود و التمثال له قيمة فنية كبيرة وموقعه متميز قريب من ساعة الزهور والحي اللاتيني التاريخي.
🦌 ولكل عمل فني وصف ومعنى ومعنى التمثال انه رمزية الحياة والطبيعة وواقعها الفكري والإنساني بكل عوامله الاجتماعية الدينية والفنية والفلسفية.
🦌ومع بدايه ٢٠٢٥ أطلقت محافظة الاسكندرية مشروعها بتوسعة شارع ابوقير لتحقيق سيوله مروريه وايضا تطوير ميدان الغزالتين وده كان فى فبراير ٢٠٢٥ وتم اعادة التخطيط الهندسي بتطوير الجزيرة الوسطى وترميم التمثال.
🔘 نتمني نكون عرضنالكم معلومة مفيدة وتابعونا لمعلومات وحكايات اكتر عن اسكندرية وجمالها 🔘
Hits: 1