تردد اسم المصرية ( فرح الديباني) بقوة بعد انتهاء حفل ختام بطولة كأس العالم وبعد ان رٱها العالم وهي تغني النشيد الوطنى الفرنسى فى مباراه ختام المونديال..فمن هي فرح الديباني؟
هى السوبرانوا المصرية (فرح الديبانى )..بنت محافظة الأسكندرية.
مواليد سنة 1989 و عائلتها كانت بتهتم جدااا بالموسيقى و الفن و خاصة جدها عازف البيانو ..
علشان كدا اهتمت عائلتها بتعليمها العزف على البيانو و الباليه داخل معهد الكونسرفتوار..
و بعد كدا دخلت مدرسة سان شارل الألمانية ..هناك اكتشفها مدرس الموسيقى..
و شاف قد ايه ان صوتها مميز و فريد و يصلح للغناء الاوبرالى .
ومن هنا بدأت تغنى وهى عمرها سبع سنوات .
🔸️فرح من الأصوات النادرة جدااا ..علشان صوتها من فئة الميزو سوبرانو وده نوع فريد من الأصوات ..
🔸️ في 2005 انضمت لمركز الفنون التابع لمكتبة الإسكندرية و من هنا بدأت رحلتها ..
🔸️ في 2010 انتقلت إلى ألمانيا و انضمت إلى أكاديمية هانز إيسلر للموسيقى في برلين..و بعد كدا حصلت على بكالوريوس الهندسة من جامعة برلين للتكنولوجيا و.. كمااان حصلت فرح على ماجستير في الفنون من جامعة برلين للفنون .
🔸️فى 2016 أخدت جائزة أوبرا باريس ..لتكون أول مغنية مصرية و عربية تفوز بالجائزة .
🔸️كمااان أخدت جائزة (فاجنر) المقدمة من إدارة المؤسسة فى غناء الأوبرا كأفضل مغنية شابة فى العالم.
🔸️فى 2019 كرمها الرئيس عبد الفتاح السيسى خلال فعاليات مؤتمر شباب العالم .
🔸️ و كمااان شاركت مع أكاديمية أوبرا باريس، في أمسيات غنائية بالقاهرة والإسكندرية، وغنت لكبار ملحني الأوبرا العالميين زى ..فيردي وموتسارت.
🔸️ منحتها السفارة الفرنسية في القاهرة وسام الفنون والآداب الفرنسي برتبة فارس.
👈 اللى كمااان مش عارفينه أنها مش أول مرة تغنى النشيد الوطنى الفرنسى و لكنها غنته اكتر من مرة ..
غنته كمان فى حفل فوز إيمانويل ماكرون
بالإنتخابات الرئاسية الفرنسية في أبريل من عام 2022
👈 يعنى فرنسا ك ( دولة ) إختارتها هى دون عن كل نجوم فرنسا لتغنى نشيدها الوطنى فى أهم حدث عالمى تتجه أنظار العالم كله له ..سواء كان بالمونديال او عند حفل التنصيب للرئيس الفرنسى .
💪 علشان كدا ..
كلنا حسينا بالفخر ببنت بلدنا وهى بتغنى بشموخ و قوة و بتعلن للعالم كله عن فن و ثقافة و حضارة بلدها مصر 🇪🇬 ..
فبالرغم من انها بتغنى النشيد الوطنى الفرنسى الا انها كانت ترتدى قلادة تصميمها مستوحى من الفن المصرى القديم ..يتوسطها جعران و قرط على شكل زهرة اللوتس المصرية ..لمصممة الحلى المصرية رانيا هلال .
لتعلن للعالم كله.. عن هويتها و ثقافتها و حضارة بلدها مصر 🇪🇬..
هى بجد صورة مشرفة لبلدها ..وكماااان سفيرة بفنها و موهبتها للعالم كله .
و إلى اللقاء ..
مع معلومة و حكاية جديدة عن اسكندرية و نااااسها🙋♀️