كلنا عارفين بابا نويل 🎅 لكن اللي مش عارفينه إنه مش شخصية خيالية ✨ لأ هو حقيقي وممكن تزوره في اسكندرية كمان 🌊 ⛪
وبما ان أعياد رأس السنة على الأبواب ✨🎄🎆 تعالوا نعرف مين هو بابا نويل الحقيقي وايه حكايته 🤔⁉️
🎅بابا نويل هو {{القديس نيقولا}} من آسيا الصغرى هو من طائفة الروم الأرثوذكسية (وكان في مصر منهم جزء كبير وقل مع السنين) اترهبن واترسم قس وبعد ما توفي والده اللي كان غني جدا ساب ثروة كبيرة 💰 وقرر نيقولا انه يقدمها للخير ويوزع هدايا 🎁 على كل المحتاجين وبعدها بفترة اترسم اسقف علي بترا وكان وقت دقلديانوس اللي بيضطهد المسيحيين وعرف عن الاسقف نيقولا وامر بسجنه لحد ما توفي.
تزوره فين في اسكندرية 🌊 ⁉️
🗓️ سنة ١٨٩٩ اتبنت كنيسته على بعد أمتار من البحر على ايد قسطنطين جوجو وزوجته ماريوجا اليونانيين اللي كانوا عايشين في اسكندرية وبانوها عشان تكون خدمة للبحارة اليونانيين اللي كانوا بيزوروا اسكندرية ولأن القديس نيقولا كان شفيع البحارة 🎣
🌊 ⛪ في منطقة كامب شيزار في شارع تانيس موجود مكان كنيسته، كنيسة صغيرة وأثرية وشكلها على شكل سفينة نوح رمز النجاة وكانت مقفولة مدة طويلة للترميم وفتحها البابا ثيودروس الثانى بطريرك الإسكندرية وسائر إفريقيا سنة ٢٠٢٠.
⛪ شكل الكنيسة من جوة صحن كبير له ٣ هياكل مربعة عليها أشكال بالذهب وفيها أيقونة للسيد المسيح مرسومة علي السقف شبهة الأيقونة اللي في البطريركية اليونانية فى مصر القديمة وفيها ايقونات كتير على الحيطان والجدران 🖼️
طيب ازاي بقي إسمه بابا نويل وهو القديس نيقولا ⁉️
في الأحياء الفقيرة في إقليم (مبرا) قبل عيد الميلاد كان القديس نيقولا بيوزع هدايا وأكل وهدوم على المحتاجين وكان بيعمل كدة كل سنة من غير ما حد يعرف هو مين.
🎅طيب وشكل بابا نويل المعروف باللبس الأحمر والدقن البيضة والعربية الحنطور اللي بتجرها غزلان وانه بيدخل البيوت من الدفاية زي ما بنشوف في الأفلام جت منين ⁉️
📝 الشاعر الأمريكي كلارك موريس تقريبا سنة ١٨٢٣ كتب قصيدة الليلة اللي قبل عيد الميلاد وصف فيها الشخصية بس بشكل تجاري ان الأطفال بتكتب جوابات ويحطوها عند شجرة عيد الميلاد 🎄ولما بيصحوا الصبح بيلاقوا اللي طلبوه اتحقق 🙏
✨خلصت حكاية بابا نويل 🎅ونتمني تتابعونا دايما عشان تعرفوا حكايات اكتر ✨
Hits: 2