👈 في قلب محطة الرمل… وعلى هضبة عالية شايفة البحر والتاريخ مع بعض
هنلاقى مبنى مش عادي…
واقف شاهد على 136 سنة طب واكتشافات غيّرت العالم كله .
🏛️ المستشفى الأميري (الميري) بالإسكندرية ..
واحدة من أقدم وأشهر مستشفيات الإسكندرية…
هنا ..اتعرف العالم لأول مرة على ميكروب “الكوليرا” .
👈 تعالوا نعرف مع بعض ايه الحكاية ⁉️
🏛الحكاية بدأت سنة 1827 لما محمد علي باشا والى مصر .. أمر ببناء مستشفى بجوار قسم الجمرك ..علشان تخدم جنود أكبر أسطول بحري حربي ..وكان اسمها وقتها “مستشفى المحمودية الميري” .
🏛وفي عهد الخديوي إسماعيل صدر قرار بتخصيص مساحة 15 فدان ممتدة من حوش مقابر اليهود حتى سور الإسكندرية “باب شرق” لإقامة مستشفى أميري جديد بعد أن تحول مبنى مستشفى المحمودية الأميري السابق إلي إسطبل لخيل السرايا إلا أن هذه المستشفيات تهدمت واختفت مع العمران.
والتاريخ قرر يكمّل فصوله في مكان تاني.
🏛وفى سنة 1879 اتبنى المبنى اللي واقف لحد النهاردة ..لخدمة أهالي الإسكندرية..
وكان مديره الدكتور ” فرنهوست”
اللي كان ليه سكن خاص جوّه أسوار المستشفى
علشان يفضل موجود طول الوقت…
الطب هنا كان رسالة ..مش وظيفة.
👈 المفاجأة بقى ⁉️
ان أثناء بناء المستشفى تم اكتشاف بقايا قلعة عسكرية وحمامات رومانية وأجزاء من سور الإسكندرية القديم.. وغيرها من القطع الأثرية اللى يرجع تاريخها على الأرجح إلى القرن الثالث الميلادي ..كمان بيُعتقد أن الموقع كان يضم مسرح الإسكندرية والحي الملكي فى العصر البطلمي .
👈الحكاية ماخلصت.. هنا ⁉️
🔬 في معمل صغير ملحق بمبنى المستشفى
وقف العالم الألماني “روبرت كوخ” ..مؤسس علم الجراثيم والحاصل على جائزة نوبل في الطب .. و أعلن عن اكتشاف ميكروب الكوليرا ..اللي كان سبب وفاة حوالي 40 ألف مصري بين 1883 و1895
ومن اللحظة دي…
إسكندرية دخلت كتب الطب العالمية.
وحتى الميكروسكوب اللى اكتشف بيه الكوليرا ..لسه موجود لحد النهاردة في مستشفى كوتسيكا (جمال عبد الناصر حاليًا).
👈 اللى كمان مش عارفينه ⁉️
المستشفى اشتغل فيها عمالقة زى :
▪️الدكتور أحمد زكي أبو شادي– شاعر المهجر المعروف و رائد صناعة النحل في مصر .
▪️الدكتور ظيفل باشا – أكبر جراحي عصره.. وليه شارع باسمه في حى محرم بك .
▪️الدكتور محمد محفوظ باشا– أول مدير مصري للمستشفى .
وغيرهم كتير من المصريين والأجانب ..اللي كتبوا تاريخ الطب سطر سطر بين جدران المكان ده.
👈 وهنا…
تنتهي حكاية النهاردة ..
بس حكايات إسكندرية عمرها ما بتخلص ..
استنونا دايمًا في قصص تانية عن مدينة الأسكندرية 🙋♀️
Hits: 2