عزيزي المصطاف اهلا وسهلا بيك ونورت شواطئنا 🌹. انت اتعودت مننا أننا نكلمك عن حقوقك ونقولك ارقام تليفوناتنا 📞علشان لو اى حد ضايقك نجيبلك حقك في الحال 💪.لكن المرة دي هنستأذنك أننا هنقلب الآية وهنعكس الوضع 🔄النهاردة هنكلمك عن موضوع مهم جدا لنجاح منظومة الشواطئ وهو النظافة 🚯🗑️وأهمية دور عمال النضافة واللي حنتكلم بصوتهم دلوقتي 📢#استغاثة_عامل_النظافة عزيزي المصطاف انا عامل نظافة الشاطئ اعتبرني ابنك او اخوك او ابوك يرضيك برضه ابوك ينحني طول اليوم علشان يلم مخلفات وزبالة انت سايبها؟ احنا فرحنا اوي السنة دي لما طلع قرار أن يبقي فيه براميل كتير على طول الشاطئ وحطينا يفط علشان نفكرك مترميش عالارض لكن اللي حصل للاسف انك رميت الزبالة حوالين البرميل و تحت اليافطة برضه وداخل المياه عزيزي المصطاف لو انت حصل معاك اي مشكلة بمنتهى البساطة هتتصل بأرقام الشكاوي وهيجيلك حقك في ساعتها وانت مرتاح لكن انا هعمل اية ؟انا الوضع بالنسبالي مختلف ماليش حد أكلمه اشتكيك ليه ويجيبلي حقي لان ببساطة انت مافيش عليك رقيب غير ضميرك طيب انت تعرف اني ب أفضل الم وراك طول اليوم ومع ذلك لو المستأجر أو اي مرور تم ولقوا قمامة انا اللي باخدلي كلمتين بالتقصير يكسروا النفس ومش بعيد ينقطع عيشي وانا برضه رب أسرة ومحتاج الشغل ده.انا مش ببقى مبسوط لما اسمع الناس بتقول لازم نفرض عليهم غرامة . لاني مش عايزك ماترميش القمامة خوف من الغرامة . انا عايزك ماترميهاش خوفا عليا انا . انا عايز احس اني مش بهون عليك وانك مقدرني .وليا عندك طلب اخير يابنى لما تلاقي ابنك خلص الشيبسي بتاعه او الحاجة الحلوة بتاعته علمه أنه لو مرمهاش ع الأرض والله هياخد ثواب من عند ربنا. فهمه يابنى أن ده اسمه كف اذي واناطة اذي عن طريق ودة ربنا بيجازي عنه خيرشوف الفيديو دة يمكن يوصلك جزء من اللي بنمر بيه كل يوم 👇#مش_لازم_الغرامة
Hits: 48