إسكندرية دايمًا ليها بصمة… وليها علامة!
احنا الإسكندرانية… ولا حد قدنا
بلد الجمال والفن والطبيعة اللي بتخلي أي حد يعيش فيها يبقى مبدع بالفطرة!
ومن وسط شوارعها وبحرها ونسمتها… بيطلع فنان جديد يبهر العالم كله 🌍
النهارده أنظار العالم كلها رايحة على إفتتاح المتحف المصري الكبير 🇪🇬
حدث فني وثقافي عالمي كلنا فخورين بيه كمصريين 💫
بس إحنا السكندرين عندنا سبب تاني للفخر 😍
عارفين ليه؟
لأن اللي هيقود الأوركسترا في افتتاح المتحف العظيم ده… إسكندراااني أصيل! 🎻
تعالوا نتكلم عن المايسترو ناير ناجي 👏
اتولد موسيقارنا في حي سابا باشا سنة 1970، ومن وهو عنده 5 سنين بدأ مشواره مع الموسيقى.
أهله شجعوه يدخل معهد الكونسرفتوار وهو لسه طفل، ودرس في مدرسة سان مارك.
كبر حبه للمزيكا معاه، ولما خلص ثانوي دخل كلية تجارة بس مكملش الحلم كده بس…
فضل يذاكر موسيقى لحد ما وصل للأوبرا، وهناك بدأت الانطلاقة الحقيقية 🎹✨
سافر لندن وباريس ودرس في أرقى المدارس الموسيقية، وبقى قائد أوركسترا عالمي شارك في عروض في مصر وإيطاليا ولندن وحتى الصين 🌏
وقاد أوركسترا مكتبة الإسكندرية وأوبرا القاهرة، وشارك المايسترو الكبير ميشيل بيكمال في عروض مشتركة.
والنهارده… بيرجع اسم إسكندرية يلمع من جديد 🌟
لأن المايسترو السكندري ناير ناجي هو اللي هيقود أوركسترا افتتاح المتحف المصري الكبير يوم 1 نوفمبر،
بمشاركة الموسيقار العظيم هشام نزيه، و120 موسيقي مصري و70 عازف من كل أنحاء العالم 🎼
إسكندرية دايمًا بتفرح لما ولادها يرفعوا اسمها عالي 💙
من بحرها للفن.. من الموج للمزيكا 🎶
إسكندرية مش بس مدينة… دي حالة إبداع مابتخلصش!
Hits: 26