✨ هل كنت تعرف إن فيه قلعة سويدية في الورديان؟!⁉️ 🇸🇪🏰
أيوه…مش في أوروبا…
لكن هنا…👇👇
على بحر إسكندرية 🌊
وأنت ماشي ناحية المكس..هتلاقي برج ضخم… تصميمه أوروبي مختلف عن أي مبنى حواليه..
تحس كإنه قطعة اتنقلت من اوروبا واتحطت تحرس البحر والميناء من أكتر من 130 سنة ⏳⚓
دي بقى اللي كانوا بيسموها زمان
“القلعة السويدية” أو “برج الساعة” ⏰
👈 طب إيه حكاية المبنى ده؟⁉️
وليه اتسمى بالاسم ده؟⁉️
تعالى أرجع بيك لأكتر من 130 سنة…
لما تاجر أخشاب سويدي اسمه “كارل فون جاربر”
ساب بلده…واختار إسكندرية وطن تاني ليه 🥰
حب بحرها… ميناها…و ترابها..
فقرر يبني المبنى ده كمصنع للأخشاب ووكالة شحن ..واختار له تصميم شبه القلاع السويدية ..علشان يبقى قريب من الميناء ⚓ ويتابع بعينه حركة السفن 👀
البرج ده ماكانش مجرد شكل مميز…كان مركز مراقبة حقيقي..
كانت تدار منه عمليات شحن وتفريغ الأخشاب.
👈لكن الحكاية ما تقفش عند كده…
“كارل فون جاربر” .. ماكانش مجرد تاجر ناجح…
⬅️كان إنسان له دور اجتماعي وثقافي مهم في المدينة.
رغم إنه مسيحي…
أنشأ دار لتحفيظ القرآن للبنات المكفوفات في الإسكندرية 🤍 ..وكانت أول مدرسة لتحفيظ القرآن للمكفوفات في المدينة.
⬅️وكمان:
▪️ أنشأ مبنى البحارة السويدي قدام قصر رأس التين
▪️ وبنى مبنى تاني في بحري على الكورنيش
⬅️وتقديرًا لدوره السياسي والدبلوماسي:
▪️ اتعيّن نائب قنصل السويد سنة 1905
▪️ وبعدين بقى قنصل السويد في إسكندرية سنة 1925
⬅️وخلال مسيرته الدبلوماسية :
حصل على العديد من الأوسمة والنياشين ..منها تكريمات من :
▪️الملك فؤاد الأول
▪️الرئيس جمال عبد الناصر
▪️البطريركية الأرثوذكسية
وغيرها من جهات رسمية تقديرًا لدوره وخدماته 👏
⬅️وكمان كان صاحب أول توكيل بوتاجاز غاز في مصر وشمال أفريقيا.
لحد ما توفي سنة 1945…بعد ما ساب بصمة واضحة في تاريخ إسكندرية.
👀 معلومة ناس كتير متعرفهاش:🤔
بعد وفاته..أخوه باع المبنى لتاجر الأخشاب اليوناني الشهير “أسعد باسيلي” صاحب فيلا باسيلي في شارع فؤاد… اللي بقت دلوقتي متحف الإسكندرية القومي 🏛️
👈والأجمل؟⁉️
إن المتحف نفسه فيه معرض خاص بمقتنيات” كارل فون جاربر ” 👏
بعد التأميم..المبنى بقى تابع للثروة السمكية والمصايد.
👈 طب ليه اتسمى “برج الساعة”؟⁉️
لأن كان فيه ساعة ضخمة مركبة أعلى البرج ⏰
كانت بتدق كل ساعة وصوتها يوصل لكل المنطقة.
الساعة اختفت…لكن الاسم فضل…والحكاية لسه عايشة لحد النهاردة .
👈 و بكده خلصت حكاية النهاردة…استنونا دايمًا في حكايات وقصص مميزة عن إسكندرية وتراثها 🙋♀️💙
Hits: 2