👈الإسكندرية…
مدينة بتخبي دايمًا مفاجآت..
تزرع حلم صغير على شط.. وبعد سنين تلاقيه واقف تحت أضواء العالم.
👈امبارح…
في لحظة من لحظات اللي بنسميها ” صناعة تاريخ”
العالم كله كان بيتفرج على افتتاح المتحف المصري الكبير في القاهرة..
بس جزء من الجمال ده… بدأ من هنا.
من إسكندرية. 💙🌊
ازاااي؟ 🤔
تعالى أحكيلك 👇
من قلب البحر…
من مدينة السحر والجمال…
طلعت موهبة مش شبه اى حد.
بنت إسكندرية… صوتها مش بس بيغنى ..
ده بيقف بإسم بلد كاملة.💪💪
إنها السوبرانو المصرية العالمية:
شيرين أحمد طارق 🎤🌊
وقفت امبارح بصوتها الأوبرالي المهيب…
قدّام رؤساء وملوك وشخصيات من 79 دولة..ابهرت العالم كله بصوتها و ادائها..
🎼🎶 ترانيم من الحضارة المصرية القديمة…
تقودها عصا المايسترو السكندري ناير ناجي
وبتصاحبها أوركسترا الأوبرا المصرية.
وكأن صوتها بيقول للعالم كله:
“إسكندرية ما بتقدمش مواهب…
إسكندرية بتكتب دايما التاريخ.”
صوتها ماكانش غُنا…
كان رسالة..
👈 طب مين هي ..السوبرانو شيرين أحمد طارق؟⁉️
▪️ بنت إسكندرانية… حلمها بدأ من هنا.
وقفت على أكبر مسارح العالم… لحد ما وصلت لبرودواي..
وبقت أول مصرية وعربية تتصدر بطولة عمل هناك. 👏
▪️ مواليد إسكندرية سنة 1993.
والدها طارق أحمد — مصري مهاجر وصاحب محل مجوهرات في ماريلاند فى أمريكا.
والدتها ساندرا — أمريكية الأصل ..مدرسة لغة إنجليزية.
اتربت بين إسكندرية و ماريلاند.
▪️ درست علم الاجتماع والأنثروبولوجيا…
بس صوتها كان أقوى من أي اتجاه تاني..درست الغناء الأوبرالي والتمثيل والرقص في أمريكا.
👈 البداية؟ ⁉️
بدأت من أبعد نقطة ممكن تتخيلها..
▪️ اتسمع صوتها لأول مرة على سفن الرحلات السياحية…بتغني لسيلين ديون ..ماريا كاري ..وتينا تيرنر..وصوتها وقتها عمل ضجة… محدش نسيه.
▪️ بعدها… جاتها فرصة لمسرحية غنائية أمريكية.
ومن اللحظة دي… اتفتحت لها ابواب الشهرة ..وبقت أول سكندرية .. مصرية ..عربية تتصدر بطولة عمل على مسرح برودواي.
▪️اختيرت لدور “إيليزا دوليتل” في المسرحية الشهيرة My Fair Lady
إنتاج Lincoln Center وإخراج Bartlett Sher – سنة 2019.
▪️النقاد وقتها قالوا عنها:
“المفاجأة العربية على مسرح نيويورك.”
👈شيرين…
بنت إسكندرية اللي صوتها عدى المحيط.
امبارح…
ماكانش غُنا في افتتاح المتحف.
كان إعلان..
إن مصر… مش بتتفرج على الحضارة ..مصر لسه بتكملها.
ومن قلب الإسكندرية…وصل الصوت اللي راح للعالم كله. 🌍✨
👈إسكندرية مش بس مدينة… دي مصنع إبداع.
و كل يوم فيها موهبة جديدة بتثبت إن مصر هى اصل الحضارات ..
تابعونا وشوفوا باقي النجوم اللي شاركوا في الافتتاح بالمتحف المصرى الكبير 🌟🌍
Hits: 84