🔻النهاردة حدودتنا عن أمير كان من أغنى الشخصيات فى مصر كلها…….كان برنس ووطنى وبيحب مصر جدا ، حكايتنا النهاردة عن الأمير (محمد عمر طوسون) وداه اسمه لوحده , هو لوحده له التلات اسماء دول.
والبرنس محمد عمر طوسون هو بن محمد سعيد باشا بن محمد علي باشا الكبير.
اتولد امير حدوتتنا فى اسكندرية سنة 1875 ومات أبوه وهو عنده اربع سنين وربته جدته لوالده البرنسيسة (ملك بير) لحد ما بقي عنده 12 سنة. سافر سويسرا كمل تعليمه هناك ولما بقي عنده 18سنة رجع مصر عشان يدير أملاكه وكان فى الوقت ده أغنى راجل فى مصر ، وفضل يتنقل بين القاهرة اللى بيدير أعماله فيها وبين اسكندرية عشقه ومدينته اللى حبها من اول ما اتولد فيها. البرنس عمر طوسون كان بيملك أراضى كتير اوى فى اسكندرية زي ارض نادى سبورتنج وكان رئيس فعلي للنادى ، كمان ستاد اسكندرية …وميدان الإسعاف كان اسمه ميدان عمر طوسون وكمان ارض المستشفى اليونانى اللى بناها الخواجه كوتسيكا (مستشفى جمال عبد الناصر حاليا)
كمان كان يملك ارض المعمورة وقصر المحمودية واراضى الغيط الصعيدى وكلية الفنون الجميلة بباكوس وكان قصر البرنس عمر طوسون هو مبني الإذاعة والتليفزيون الحالي بباكوس.
من اهم اعمال اميرنا .
▪️فى أوائل التلاتينات بدأ عمر طوسون فى العثور علي أديرة أو بقايا أديرة مهمة كلها بتقع علي خط رحلة العائلة المقدسة لمصر وبلغ عدد الأديرة اللى اكتشفها طوسون 52 دير .
▪️وفى أواخر التلاتينات أحد الطيارين قال لاميرنا أنه شاف وهو طاير فوق خليج أبوقير بقايا أثرية وتماثيل ضخمة تحت المياه وبفضل الصيادين ومساعدة الغطاسين قدروا يكتشفوا الآثار الغارقة وقدروا يوسعوا اكتشافاتهم وشملت المينا الشرقى والغربي وكان الأمير عمر طوسون اول من اكتشف راس الاسكندر الاكبر🗿🗿🗿 وبتتعرض دلوقتي فى المتحف اليوناني الروماني.
▪️يعتبر طوسون هو أحدُ أهمِّ روَّادِ الإصلاحِ والنهضةِ في مصرَ أوائلَ القرنِ العشرين، له العديد منَ الإسهاماتِ في المجالِ العلميِّ والعمَلي؛ قدر يسجل كثيرٍ من الأحداثِ التاريخية، ويُقدِّمَ العديدَ منَ الدراساتِ التاريخيةِ والأثَريةِ المصريةِ كمان ساهَمَ في اكتشافِ العديدِ من الآثارِ المصرية،
▪️وكانَ له باعٌ طويل في العملِ الخيريِّ والتطوُّعيِّ الذي ساعَدَ في النهوضِ بالوطن، سواءٌ على المُستوى الاقتصاديِّ أو الاجتماعيِّ أو السياسي.
▪️كما اعتنى الأمير بالمدارس فى دوائره، حيث كانت المدارس الابتدائية والكتب متاحة بالمجان للأطفال، وكان من يتفوق منهم يتم تعليمه على حساب الأمير فى المدارس العليا،
▪️ وبنى المساجد فى دوائره، وهو اللى بني مقام أبى الدرداء فى كرموز،
▪️ الأمير عمر طوسون هو المتبرع الأكبر لبناء استاد الإسكندرية.
▪️أنه الأمير عمر طوسون «الوطنى»، الذى كتب وصية عام 1933، أوصى فيها بمكتبته، التى حوت أكثر من 8 آلاف كتاب، وتبرع بكتبه التاريخية والأثرية للمتحف اليونانى الرومانى فى الإسكندرية، بالإضافة إلى ما اكتشفه من آثار، فى حين ذهبت الكتب التى لا تتعلق بالتاريخ لمكتبة بلدية الإسكندرية، وقام الأمير بتأليف ونشر مجموعة عظيمة من الكتب باللغتين الفرنسية والعربية.
يفضل اننا نقول إن الأمير عمر طوسون هو أول من طالب باستقلال مصر وساند سعد زغلول وهو أول من أرسل وفد مصرى لمؤتمر فرساي.
⭕مات اميرنا سنة 1944واندفن فى القبة العلوية بمسجد النبي دانيال فى شارع النبي دانيال لكن بعد هدم القبه اتنقلت الرفات لحوش الباشا فى القاهرة