متابعينا الأعزاء بنرحب بيكم 🙋🏻♂️
🗣️ هنحكيلكم النهاردة عن أرقى مناطق اسكندرية 🌊
🏫 الأزاريطة 🏫
اللي في قلب إسكندرية بين الشاطبي ومحطة الرمل وفيها بيوت ومباني تاريخية كتير إتبنت علي إيد مهندسين أجانب 🧑🔧 وفيها دلوقتي مباني الجامعات 🏬 والمستشفيات الجامعية 🏨
📝 الباحثين في التاريخ السكندري قالوا إن فى أكتر من رواية لأسم الأزاريطة 🏫
📝 أول رواية بتقول إن كان في سيدة يونانية إسمها {{Mother reita}} {{الأم ريتا}} كانت عايشة في المنطقة دي وكانت بتحب تساعد الناس وتحللهم مشاكلهم ولما توفت تذكارا ليها قالوا نسمي المنطقة على إسمها بسبب أعمال الخير اللي كانت بتعملها..
📝 الرواية التانية بتقول إن كلمة أزاريطة هي في الأصل كلمة إيطالية ومعناها الرمل والصحراء لأن للمنطقة دي والمنطقة اللي جنبها كانت صحراء قبل ١٥٠ سنة..
📝 الرواية التالتة والأدق واللي أغلب الظن إنها صح بتقول أن أيام حكم محمد علي مرض الكوليرا إنتشر في إسكندرية وقرر محمد علي يبني حجر صحي عشان الناس تتعالج فيه وكان موجود في مكان مستشفى الميري دلوقتي وكان بيتقال على الحجر الصحي أسم {{lazretta}} {{لازريت}} واتحرفت الكلمة لحد ما وصلت للأزرايطة..
🏫 الأزاريطة 🏫
مشهورة من زمان أن سكانها من جاليات مختلفة وخصوصا اليونانيين اللي كانوا الأغلبية من سكانها وبتضم المنطقة المربع اليوناني اللي فيه المدرسة اليونانية والملجأ اليوناني الموجود لحد النهاردة..
🔘 نتمني نكون عرضنالكم معلومة مفيدة وتابعونا لمعلومات وحكايات أكتر عن اسكندرية 🔘
Hits: 28