أحيانا لما بنروح نقعد فى أى كافيه أو مطعم بنلاقى حاجة وقت الحساب….بنلاقي ان الشيك فيه مينمم تشارج أو خدمة ١٢% أو ضريبة قيمة مضافة .. سبق وعرفنا متابعينا فى منشور سابق ان فيه منشآت سياحية تخضع لاشراف وزارة السياحة ومنشآت تخضع لاشراف الادارة المركزية للسياحة والمصايف وعرفناهم ايه الفرق بينهم… ودا لينك التوضيح
https://www.facebook.com/1396943803929787/posts/2560478860909603/
واتفقنا ان الكافيهات والمطاعم اللى بتخضع لاشراف الادارة المركزية للسياحة والمصايف مش من حقها انها تفرض مينمم تشارج أو خدمة ١٢% .
ولو حصل وفرضت المنشأة ضريبة قيمة مضافة لابد تكون الشهادة متعلقة في مكان واضح في المنشأة ومن حق العميل يطلع عليها.
طب نعرف منين اذا كانت المنشأة دى تتبع الادارة المركزية ولا تتبع وزارة السياحة .. دا لينك لموقع الادارة بيوضح فى السيرش بتاعه هل المنشأة خاضعة للادارة ولا لأ
الرئيسية
طيب ايه الاجراء المتبع من حضرتك كمواطن لو لقيت عكس الكلام دا او اكتشفت مغالاة فى قائمة الأسعار .. أول حاجة تحتفظ بالريسيت عشان حنحتاجه في الشكوى اللى حتتعمل ضد المنشأة المخالفة .. تانى حاجة حتكلمنا على أرقام الشكاوى بتاعتنا واللى بنتمنى من أى مواطن حاسس انه تعرض للابتزاز او حد بيطالبه بمبلغ غير المعتمد بقايمة الأسعار فى أى منشأة من المنشآت الخاضعة للإدارة إنه يكلمنا على طول أو يتواصل معانا على رسايل الصفحة أو يبعت شكوى علي الموقع بتاعنا .. وبنأكد ان بمجرد استلامنا الشكوى حيكون فريق المتابعة من الادارة في طريقه للشاكي وحيتم اتخاذ كافة الاجراءات القانونية حيال المنشأة المخالفة.
بنحب نعرف المواطن ان حملاتنا مستمرة دايما وبتستهدف كافة المطاعم والكافيهات بجميع الأحياء للتأكد من التزام الجميع بقوائم الأسعار .. لكن كمان محتاجين تعاونكم معنا والايجابية فى الإبلاغ عن اى مخالفة تخص قوائم الأسعار او ضريبة القيمة المضافة أو خدمة ال١٢% .
نحن على استعداد كامل لتلقى شكاوى المواطنين واستفساراتهم على ارقام الشكاوى وكذلك موقع الإدارة الرسمي
www.catr.gov.eg
وتطبيق الادارة علي Google play
وكذلك app store
https://apps.apple.com/us/app/%D8%A7%D9%84%D8%B3%D9%8A%D8%A7%D8%AD%D8%A9-%D9%88-%D8%A7%D9%84%D9%85%D8%B5%D8%A7%D9%8A%D9%81-catr/id1512793000
https://play.google.com/store/apps/details?id=eg.gov.catr
ارقام الشكاوي :-
٠١٢٨٩٢٥٢٦٦٨
٠١٢٧٠٧٤٦٤٩٠
Hits: 1467