صباح الخير علي كل صديقاتنا ومتابعاتنا 🧕ايوة…… حضرتك قريت صح لان البوست ده احنا موجهينه للسيدات فقط .السيدات اللي بيصحوا بدري وبيجهزوا ولادهم لنزول المدرسة وحيبدأوا مشوارهم العظيم مع العام الدراسي.كل سنة وكل بيت مصرى طيب وعام دراسي موفق ان شاء الله مكلل بالنجاح. احنا عارفين الضغط اللى بتعانى منه كل ام مع اولادها🤹 خاصة ايام الدراسة وعشان كدة احنا بنقولك طالما ان الصيف مصمم يفضل قاعد معانا ومش عاطي فرصة للخريف يثبت وجوده….ممكن تنزلى الاولاد 🤹وتكلمي صحاباتك 📞وتروحوا تستجموا علي شواطئ اسكندرية🏖️.. ممكن تختاروا شواطئ من غير اى تكلفة دخول زي شاطئ المندرة المجانى…ده شاطئ رائع والبحر تحفة النهاردة ،وكمان شاطئ الانفوشي المجانى. وعندنا شاطئ ميامي العام ،والسرايا العام وجليم العام، وشهر العسل العام والهانوفيل العام ..ودول سعر تذكرة الدخول خمسة جنيه شامل كرسي وشمسية واستعمال دورات المياه. كل الشواطئ اللي احنا قلناها فوق دي☝️ احنا اللي بنديرها..يعني باذن الله بنضمن ليكم الاستجمام التام. ياللا قومى اعملي ترمس الشاى بالنعناع بتاعك وكام ساندويتش وروحى اشحني طاقة قبل الولاد ما يرجعوا من المدرسة… صباح الخير علي كل البيوت المصرية ، صباح الخير علي عظيمات مصر. ارقامنا أهيه 👇 :-أرقام شكاوى القطاع الشرقى… ٠١٢٨٩٢٥٢٦٦٨ – ٠١٢٧٠٧٤٦٤٩٠٠١٥٠١٢٩٧٨٨٨ – ٠١١١٩٥٥٥٩٤٦أرقام شكاوى القطاع الغربي… ٠١٢٢٥٢٦٧٢٧٦ – ٠١٢٢٠٠٣٠١٠٣٠١٢٠٣٩٨٦٣٢٤ – ٠١٢٢٢٢٦٥٠٣٤
Hits: 14