🔻احنا عارفين انك جربت شاطئ المندرة المجاني والانفوشي وعايز تروح شاطئ تاني مع اسرتك ؟
بعشرين جنيه بس ؟🏖️🏖️
▪️نعم !!!! هو فى حاجة بعشرين جنيه؟؟🤔🤔
🔻طبعا فيه…. عندنا ٦ شواطئ عامة فى اسكندرية تمن تذكرة الدخول خمسة جنيه للفرد تاخد بيهم شمسية وكرسي وشاملة استخدام دورة المياه وغرفة تغيير الملابس كمان ومتوزعة علي طول الشريط الساحلي لكورنيش اسكندرية وهى:-
1️⃣شاطئ ميامي العام
2️⃣شاطئ السرايا العام
3️⃣شاطئ جليم العام
4️⃣شاطئ المكس العام
5️⃣شاطئ الهانوفيل العام
6️⃣شاطئ شهر العسل العام
يعني لو انتوا عيلة مكونة من اربع أفراد يبقي هتقضوا يوم علي البحر بعشرين جنيه .
▪️معقول الكلام ده؟😇.
🔻 طيب ما انت جربت ودخلت شاطئ المندرة والانفوشي انت واسرتك ببلاش وأخدت شمسية وكراسي مجانا واستعملت كمان دورات المياه مجانا واستعملت غرفة تغيير الملابس برضه مجانا…يعني احنا صادقين معاك اهوه🙌
▪️لو كلامك صح تبقي كدة حاجة عظمة.
▪️طيب لو انا اول الشهر بقي وعاوز ادلع الولاد وأصرف شوية ???
🔻يبقي قدامك تلات اختيارات يا توديهم شاطئ الخدمة لمن يطلبها رسم دخول الفرد 10جنيه…..او توديهم شاطئ مميز رسم دخول الفرد 15جنيه ..أو توديهم شاطئ سياحى ودى اعلي فئة فى الشواطئ رسم دخول الفرد خمسة وعشرين جنيه ..
▪️لأ..خلينا في ابو ٥ جنيه ده….بس اوعي تكون عاوزنى اروح الشاطئ وهناك يقلبونى ..ايشى اكرامية…. وايشى رسم دخول حمام…. وكدة ادفع بره خمسة جنيه وجوه خمسين .
🔻لا طبعا اوعى تعمل كدة لو حد طلب منك جنيه زيادة كلمنا علي أرقامنا اللي هسيبهالك تحت .
▪️اكلمكم ؟؟؟؟وعلي ما توصلوا يكونوا اتلموا عليا وبهدلونى قدام ولادى …….لا مش رايح .
🔻ولا يقدروا يقربوا منك انت متكلمهومش ولا كلمه… كلمنا بهدوء أو ابعت لينا رسالة هنكون عندك فى دقايق وهنجيبلك حقك ونفرض غرامة علي المستأجر اللى مش مسيطر علي عماله وهنتابعك طول اليوم لحد ما تروح ومحدش هيكلمك….. بنوعدك .
▪️كلام جميل بس يوم الجمعة زحمة اوى ونفسي أفسح ولادى ومعنديش إجازة .
🔻خلي أسرتك تروح يا فندم البحر الصبح اى يوم غير الجمعة وبنوعدك بكل الحماية ليهم وحضرتك راجع من الشغل عدى عليهم هتلاقيهم مبسوطين بس خلي ارقام الشكاوى معاك.
▪️يارب كلامك يكون حقيقة لانك لو صدقت هتبقي شواطئنا اجمل شواطئ الدنيا .
🔻جرب واكيد مش هتندم بس خليك ايجابي واتمسك بحقك 💪
▪️يا حلاوة معقول …..
🔻اه معقول جدا .
بس لينا طلبات بسيطة….اوعى تسيب اولادك يطلعوا بره الشاطئ بهدومهم المبلولة .❌❌
واوعى تخلي ولادك يرموا اكياس الشيبسي والعصير فى البحر …زى ما فرحناك وكنت همنا الاول اللى عاوزين نوفرله كل الإمكانيات عشان يكون مبسوط ..ياريت تحافظ علي نظافة الشاطئ ( بحر ورملة وحمامات).
لشكاوى شواطئ القطاع الشرقى:-
٠١٢٨٩٢٥٢٦٦٨
٠١٢٧٠٧٤٦٤٩٠
٠١٥٠١٢٩٧٨٨٨
٠١١١٩٥٥٥٩٤٦
لشكاوى شواطئ القطاع الغربي
٠١٢٢٥٢٦٧٢٧٦
٠١٢٢٠٠٣٠١٠٣
٠١٢٠٣٩٨٦٣٢٤
٠١٢٢٢٢٦٥٠٣٤
٠٣/٤٢٠٢٣٢١
رقم غرفة عمليات الإدارة المركزية للسياحة و المصايف
تابعونا علي انستجرام
https://www.instagram.com/invites/contact/?i=mkon7tagz9ox&utm_content=nr4ynu6
Hits: 145