بفتح الشواطئ احنا عندنا مهام كتيرة ومن اهمها التأكد من تنفيذ الاجراءات الاحترازية حفاظا علي الصحة العامة .
وكمان عندنا مهمة تانية كبيرة جدا :
ان شواطئ اسكندرية مايبقاش يها بلطجة بإذن الله.
الظاهرة دي بدأت من سنين لما كان عمال الشواطئ بييجوا من بلادهم عشان يشتغلوا شهور الصيف ويجمعوا فيها اكبر قدر من الفلوس يرجعوا بيها لبلادهم بنهاية الصيف عشان يشوفوا حياتهم…..بعضهم عشان يحقق ده بيلجأ لفرض الاتاوة وابتزاز والناس وفرض الاكراميات .
بصراحة بقه احنا اسكندرانية مش ح نقبل كده تاني ومش ح نقبل يتعمل كده لضيوفنا …والظاهرة دي ح نعتبرها انتهت ومش موجودة.
وبناء علي ذلك..:-
نحذر بشدة (وبما تملكه الادارة من قوة القانون) مستأجري الشواطئ بأن يسمحوا بأي اعمال لابتزاز المواطنين علي شواطئنا من قبل عمالهم.
نرجو المواطنين ان يرفضوا تماما بأن يفرض عليهم او يتم آجبارهم علي دفع اية اكراميات او رسوم عدا اسعار التذاكر المعلنة.
اسكندرية فيها ٦٦ شاطئ…لنا مراقبين علي جميع الشواطئ لرصد اي مخالفة وسيتم اتخاذ الاجراءات الرادعة ضد مرتكبيها.
لازم كلنا نقاوم هذه الآفة.
شواطئ الاسكندرية للاستجمام وقضاء الوقت الطيب ولن تكون الا لهذا.
نعيد نشر ارقام الشكاوي فلا تتردد في الاتصال بنا فور حدوث المخالفة ..ستجدنا معك في دقائق.
الاسكندرية تتمني لكم صيفا ممتعا هادئا آمنا.