اهلا بكل متابعينا 🙋🏻♂️
✨ مشاهير اسكندرية كتير والنهاردة هنتكلم عن
“رائد المسرح الذهني” 🎭.. {{توفيق إسماعيل الحكيم}} المعروف بإسم {{توفيق الحكيم}} 📝
💠 اتولد في اسكندرية في ٩ أكتوبر سنة ١٨٩٨ من اب مصري ريفي وكان بيشتغل في القضاء ووالدته تركية ارستقراطية بنت ظابط تركي..
💠 وهو عنده ٧ سنين دخل مدرسة دمنهور وخلص التعليم الإبتدائي سنة ١٩١٥ وبعدها دخله والده مدرسة حكومية في البحيرة وبعدها اتنقل مع عمامه للقاهرة عشان يدرس الثانوية في مدرسة محمد علي..
💠 في ١٩١٩ اتقبض عليه مع اعمامه في الثورة ونجح والده انه يفرج عنهم ورجع للدراسة و اخد شهادة البكالوريا سنة ١٩٢١ و اتخرج من كلية الحقوق سنة ١٩٢٥ وراح بعثة لفرنسا عشان يكمل الدرسات العليا
💠 اشتغل فترة قصيرة في مكتب محامي وبعد ما رجع من فرنسا سنة ١٩٣٠ اشتغل في منصب وكيل النائب العام واتعين بعدها سنة ١٩٣٤ مفتش تحقيقات في وزارة المعارف وفي سنة ١٩٣٧ بقي مدير إدارة الموسيقى والمسرح في الوزارة واستقال منها سنة ١٩٤٤
💠 وهو بيدرس الثانوية في القاهرة بدأ يروح مسرح جورج ابيض وانجذب لفن المسرح جدا ولما كان بيدرس الدراسات العليا في باريس قرأ كتير في الأدب المسرحي الروائي تحديدا اليونانى والفرنسي وساب دراسة القانون وبعد ٣ سنين والده طلبه ورجع من غير الدكتوراه
💠 مسرحيته الأولى {{اهل الكهف}} كانت سنة ١٩٣٣ واعتبرها النقاد بداية ظهور للمسرح الذهني
💠 توفيق الحكيم كان أول واحد يعمل مسرحيات من التراث المصري من عصور مختلفة عدت ب ٣ مراحل
🔸المرحلة الأولى زي ما قال النقاد ( شئ من الاضطراب) وكتب فيها مسرحية {{اهل الكهف وعودة الروح وعصفور الشرق}}
🔸المرحلة التانية كان فيها تمكن في اللغة وكتب فيها {{الخروج من الجنة وشهرزاد ورصاصة في القلب والزمار}}
🔸المرحلة التالتة كانت تطور الكتابة الفنية اللي عكست قدرته على صياغة الأفكار والمعاني بشكل مميز وكتب فيها {{نهر الجنون وسلطان الظلام وسر المنتحرة}}
💠 الرئيس جمال عبد الناصر اعتبر توفيق الحكيم الاب الروحي لثورة ١٩٥٢ بسبب قصة عودة الروح اللي كان كتبها من قبل الثورة سنة ١٩٣٣
💠 توفيق الحكيم حصل على قلادة الجمهورية من جمال عبد الناصر وحصل على جائزة الدولة التقديرية في الآداب ووسام العلوم والفنون من الدرجة الأولى
💠 في عمر ٨٩ توفي توفيق الحكيم في القاهرة يوم ٢٦ يوليو ١٩٨٧ وهو سايب تاريخ كبير اكتر من ١٠٠ مسرحية و٦٢ كتاب..
🔘 نتمني نكون عرضنالكم معلومة مفيدة وتابعونا لمعلومات وحكايات اكتر عن شخصيات سكندرية مشهورة 🔘
Hits: 4