“شارل ليبون”
راجل فرنساوي اتولد فى فرنسا لعيلة ميسورة، أنشأ شركة فى أسبانيا أخدت إمتياز إنارة شوارع برشلونة ومدريد، يركب فيهم عواميد
آخرها كلوب بينور بالجاز أو بغاز الاستصباح، ويحصل فلوس من البلدية.
وفى سنة ١٨٦٦ يستدعيه الخديوى/ إسماعيل ويديله إمتياز إضاءة وسط مدن القاهرة واسكندرية.. زى باريس.. ويأسس ليبون شركته في مصر ويبدء يعمل عواميد إضاءة فى الشوارع الرئيسية.
لكن حدثت حاجة غيرت وجه العالم كله سنة ١٨٨٠، اكتشف تسلا الكهرباء وبعدها بسبع سنين يخترع أديسون المصباح الكهربائي.. وبعدها بسبع سنين فقط.. سنة ١٨٩٤ يبدا شارل ليبون بعمل أول محطة لتوليد الكهرباء..
فعلاً أول محطة لتوليد الكهرباء فى أفريقيا والشرق الأوسط وفى آسيا كمان كانت هنا فى اسكندرية.
فين في إسكندرية؟! في المبنى اللي فيه حالياً “شركة كهرباء الأسكندرية” فى أول شارع صلاح الدين فى العطارين، ولحد دلوقتى أول مولد للكهرباء موجود هناك جوه صندوق زجاجي.. ده المبنى التاريخي لشركة شارل ليبون.. ولغاية دلوقتي لو ركبت تاكسي في أسكندرية وقلت للسواق يوديك “ليبون” حيوصلك هناك.
وأول مشترك أشترى كهرباء كان محامى فرنساوي اسمه ديمتري، في ٥ شارع سيزوستريس، وتانى واحد كان البنك العثمانى اللي هو دلوقتي مصلحة الشهر العقاري، وأول كنيسة تم إضائتها بالكهرباء كانت الكنيسة الإنجيلية، وأول جامع تم إضائته كان جامع النبي دانيال.
ولما تم إنشاء المجالس البلدية بعدها ب٣ سنين، قررت بلدية الأسكندرية إضاءة شوارع المدينة كلها بالكهرباء..ولذلك نجد شوارع اسكندرية منورة بالكهرباء قبل ما دول تتأسس!!!
*إسكندرية ماريا وترابها زعفران .
منقول